26 қаңтар күні Ж.Молдағалиев атындағы Батыс Қазақстан облыстық орталық әмбебап ғылыми кітапханасында «Ғалымдар кітапханада» жобасының аясында ҚР Ұлттық Ғылым Академиясының құрметті мүшесі, «Құрмет» орденінің иегері, Орал қаласының құрметті азаматы, тарих ғылымдарының докторы, профессор Сдыков Мұрат Наурызғалиұлымен «Өмірдің мәні - ғылымда» атты кездесу кеші өтті. Кешке М.Өтемісов атындағы БҚУ-інің ұстаздар қауымы, қоғам белсенділері, ғалымның үзеңгілес замандастары, 1 курс магистранттары мен мектеп мұғалімдері қатысты. Сұхбат форматында оздырылған кездесуде ғалым өзінің кәсіби жолы, оның қалыптасуы мен кәсіби жолында еңсерген қиындықтары туралы сыр бөлісті. Демограф, археолог, тарихшы-ғалымның жүріп өткен кәсіби жолы баяндалған шара - болашақ мамандарға үлгі боларлық тағылымды кеш болды.
