Бизнес, басқару және туризм БББ

Бизнес, басқару және туризм білім беру бағдарламасының жетекшісі, экономика ғылымдарының магистрі,

аға оқытушы Шарафутдинова Ажар Нұрболатқызы

БББ мекенжайы: Сарайшық көшесі, 34.   № 3 оқу ғимараты

БББ орналасқан жері: 1 қабат, 102 кабинет

БББ байланыс нөмірі: +7 (7112) 51-20-39

E-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

2023 жылғы сәуірде «Экономика және менеджмент» және «Есеп және қаржы» екі кафедрасын біріктіру арқылы «Бизнес, басқару және туризм» БББ құрылды.

Бизнес, менеджмент және туризм БББ миссиясы қазіргі жаһандану процестеріне барабар жауап беретін және экономика саласындағы көшбасшы болуға қабілетті бәсекеге қабілетті кадрларды дайындау болып табылады.

Бизнес, менеджмент және туризм БББ миссиясының негізгі ерекшеліктері еңбек нарығында сұранысқа ие мамандарды кәсіби даярлауды ұйымдастырудан тұрады және келесі ережелермен көрінеді:

- елдің жоғары кәсіби кадрлық әлеуетін қалыптастыру;

- мамандығы бойынша практикалық жұмысқа бағдарлана отырып, инновациялық технологияларды пайдалану негізінде оқыту мен тәрбиелеу, ғылым мен практика процестерін біріктіру;

- оқытуды білікті оқытушылар, өндірістік жұмыс тәжірибесі бар кәсіби оқытушылар, оқытушы-практиктер-әлеуметтік серіктестер, жұмыс берушілер жүргізеді.

Бизнес, басқару және туризм БББ мақсаты – заманауи технологияларды пайдалана отырып, білім беру бағдарламаларын тиімді іске асыру есебінен мамандарды сапалы даярлау.

Мақсатты басымдық – білім беру ұйымдарының, бизнес пен Қазақстан Республикасының экономикасының мүдделерін үйлестіре отырып, болашақ маманды сапалы дайындау.

Бизнес, басқару және туризм БББ келесі міндеттерді шешу арқылы қойылған мақсатты іске асыруда жетістікке жетеді:

  • еңбек нарығының сұраныстарының өзгеру тенденцияларына сәйкес элективті пәндерді жаңарту;
  • модульдік білім беру бағдарламаларын әзірлеу;
  • практикалық ғылыми-білім беру ортасын құру шарты ретінде білім алушыларды ғылыми-зерттеу қызметіне тарту;
  • БББ оқу, материалдық-техникалық базасын үздіксіз жетілдіру және жаңарту;
  • оқу-тәрбие процесін басқару жүйесін одан әрі жетілдіру;
  • ПОҚ-ның кәсіби құзыреттілік деңгейін арттыру, олардың бастамасы мен шығармашылық белсенділігін қолдау және ынталандыру;
  • білім беру материалдарын тиімді игеру үшін қажетті инновациялық технологияларды енгізу;
  • бәсекеге қабілетті маман даярлау мақсатында БББ әлеуметтік әріптестігін жетілдіру.

Дайындық бағыттары:

Бизнес, басқару және туризм БББ келесі білім беру бағдарламалары бойынша теориялық және практикалық дағдылары бар білікті жоғары білікті мамандарды даярлау бағытында жұмыс істейді:

Есеп және аудит (бакалавриат);

Қаржы (бакалавриат);

Экономика және менеджмент (бакалавриат);

Туризм (бакалавриат);

Маркетинг және бизнес (бакалавриат);

БББ білім беруді жалғастыру үшін келесі білім беру бағдарламалары бойынша магистрлерді даярлауды жүзеге асырады:

Экономика (магистратура);

Менеджмент (магистратура);

Бизнес, басқару және туризм БББ оқытушылары ҚР БҒМ төсбелгілерінің иегерлері болып табылады:

– э.ғ.д., доцент Л. И. Мергалиева-ғылыми-педагогикалық қызметтегі жетістіктері және ЖОО дамуына қосқан елеулі үлесі үшін «Адал еңбегі үшін" медалімен марапатталды;

- э.ғ.д.,доцент Л. И. Мергалиева Қазақстан Республикасының ғылым саласындағы жетістіктері үшін «Қазақстан Республикасының ғылымын дамытудағы еңбегі үшін» төсбелгісімен марапатталды;

- э.ғ.к.,аға оқытушы Г. и. Нестеренко – «Қазақстан Республикасының Білім беру ісінің құрметті қызметкері»;

- э.ғ.д.,доцент Л. И. Мергалиева - өскелең ұрпақты оқыту мен тәрбиелеу ісіндегі елеулі жетістіктері үшін Ы.Алтынсарин төсбелгісімен марапатталды;

- э.ғ.к.,бизнес, басқару және туризм БББ аға оқытушысы Г. И. Нестеренко ҚР Президентінің Құрмет грамотасымен марапатталды;

э.ғд. Л. И. Мергалиева, э.ғ. к. Г.И.Нестеренко және э ғ.к. А.Б.Тілесова – «Жоғары оқу орнының үздік оқытушысы» атағының иегерлері.

 

Құқық бойынша БББ

Құқық білім беру бағдарламаларының жетекшісі

Серикова Ләззат Серікқызы, аға оқытушы, тарих ғылымдарының кандидаты;

 

М.Өтемісов атындағы Батыс Қазақстан университеті

Құқық БББ

Кафедраның негізі 1997 жылы тарих және құқық факультетінде «Құқықтану» мамандығының ашылуына байланысты салынды.

1999 жылдан бастап құқықтық пәндер кафедрасы қайта құрылып, мемлекеттік-құқықтық пәндер кафедрасы және арнаулы құқықтық пәндер кафедрасы болып екіге бөлінді.  

2003 жылы мемлекеттік-құқықтық пәндер кафедрасы «Мемлекет және құқық теориясы мен тарихы кафедрасы» атауына ие болды, арнаулы құқықтық пәндер кафедрасынан Азаматтық құқық және іс жүргізу кафедрасы мен Қылмыстық құқық және іс жүргізу кафедрасы бөлініп шықты.

2005 жылдан бастап мамандықтың қажеттіліктеріне байланысты мемлекет және құқық теориясы мен тарихы кафедрасы өз атауын қайта өзгертіп, мемлекет және құқық теориясы мен тарихы және конституциялық құқық кафедрасы құрылды.

2008 жылы ҚР Білім және Ғылым министрлігінің ұсынысы негізінде барлық үш кафедра біріктірілді және 2008 жылдың маусымынан бастап біріктірілген құқықтық пәндер кафедрасы құрылды.

2008 – 2023 жж аралығында «Құқықтық пәндер» кафедрасы деп аталады.

2023 жылдан бастап «Құқық» білім беру бағдарламасы деп өзгертілді.

М.Өтемісов атындағы Батыс Қазақстан университетінде құқықтану мамандығының негізі қаланған 1998 жылдан бастап жоғары білікті және сұранысқа ие мамандар шығарылады. Олардың көпшілігі мамандығы бойынша қызметке орналасқан. Бітіруші түлектерінің қызмет аясы мемлекеттік және коммерциялық құрылымдардағы, құқық қорғау органдарындағы лауазымдарды қамтиды.

Қазіргі таңда кафедрада 16 штаттық оқытушы бар. Оның ішінде 1 ғылым докторы, 5 ғылым кандидаты, 7 магистр. Кафедрада ғылыми - әдістемелік кеңес, тәрбие жұмысы, Заң клиникасы, Криминалистикалық кабинет, оқу полигоны, медиация кабинеті жұмыс істейді. Кафедра оқу жылы басында университет әкімшілігінің бекітілген жоспары  бойынша жұмыс атқарады.

Кафедраның материалдық техникалық базасында «Криминалистика» оқу кабинеті қызмет етеді. Оқу кабинетінің қорында компьютер, криминалистикалық чемодан, теледидар, бейнемагнитофон, сабақ жүргізу үшін қолданылатын (Криминалистика және қылмыстық іс жүргізу бойынша) арнаулы оқу фильмдері, көрнекілік кестелер және сызбанұсқалар (Криминалистикалық альбомдар, оқу қылмыстық істер, адамның сырт келбетінің сипаттамасы және т.б.) бар. Сот мәжілісінің оқу залы сот процестері ойындарын өткізуге арналған қажетті атрибуттармен (судьяның мантиясы, арнаулы формалар және т.б.) жабдықталған.

Құқық білім беру бағдарламасының миссиясы: М.Өтемісов атындағы БҚУ Құқықтық пәндер кафедрасы аймақтық жаңғырту орталығы болуға мүмкіндік беретін ұлттық келісім мен мәдениетаралық диалогтың еуразиялық идеялары негізінде, оның Қазақстандағы байырғы жоғары оқу орындарының бірі ретінде дәстүрлерін сақтау және арттыру. Гуманитарлық, жаратылыстану-ғылыми және техникалық білімдерді жинақтау мен таратуда озық технологиялар мен қазіргі білім беру инфрақұрылымын қолдана отырып, жоғары білікті мамандар дайындау.

Құқық білім беру бағдарламасының мақсаты: Жоғары сапалы білім беру мен университеттің тұрақты дамуын қамтамасыз етуге қабілетті ғылым, білім беру мен өндірістің бірігуі негізінде жоғары және жоғары оқу орнынан кейінгі білім беру саласындағы қызметті жүзеге асыру.

Құқық білім беру бағдарламасының міндеттері:

  1. Халықаралық білім беру сапасының талаптарына сай кафедрада сапа менеджменті жүйесін үздіксіз жетілдіруді жүзеге асыру.
  2. Бәсекеге қабілетті заңгер мамандарға деген қажеттілік пен күтілетін сұранысты қанағаттандыру.
  3. Ғылым мен техника саласындағы нақты жаңашылдыққа сай инновациялық орта құру.
  4. Ғылыми-зерттеу жұмыстарын өткізу, олардың нәтижелерін коммерцияландыру және білімге енгізу.
  5. Білім бер бағдарламасының қызметінің беделін арттыру үшін халықаралық білім беру және ғылыми жобалар мен көп тілді дамытуға қатысу.
  6. Білім беруді ақпараттандыру – электрондық құжат айналымды. Білім беруде интерактивті контентті дамыту, ұйымдастыру үшін бағдарламалық өнімдерді қамтамасыз етуді дайындау, оқу үрдісін бақылау және қамтамасыз ету.

Кафедра келесі білім беру бағдарламасы бойынша мамандарды даярлайды: 

  1. 6В04202 «Құқықтану» білім беру бағдарламасы.
  2. 6В04203 «Құқық қорғау қызметі» білім беру бағдарламасы.
  3. 6В04204 «Кәсіпкерлік қызметті құқықтық реттеу»  білім беру бағдарламасы.

 

6B04 Бизнес, басқару және құқық

6В042 - «Құқық» білім беру бағдарламасы

6В04202 - «Құқықтану» білім беру бағдарламасы

6В04203 – «Құқық қорғау қызметі» білім беру бағдарламасы

6B04204 – «Кәсіпкерлік қызметті құқықтық реттеу» білім беру бағдарламасы

6В04202 - «Құқықтану» бағыты бойынша білім берудің мақсаттары

 

«Құқықтану» бағдарламасының мақсаты: адам мен азаматтың құқықтары мен бостандықтарын, заңды тұлғалардың мүдделерін қорғауды қамтамасыз етуге қабілетті мамандарды даярлау; құқықтық мемлекет пен азаматтық қоғамның дамуына ықпал ету; құқықтық сана мен құқықтық мәдениетті қалыптастыру.

 

Бағдарламаның негізгі қағидалары:

- Халықаралық стандарттарға сәйкестігі: пәндік дескрипторлар, білім берудің циклына және деңгейіне (мысалы, Дублин дескрипторлары, аккредиттеу агенттіктерінің талаптары және стратегиялық серіктестердің үміттеріне);

- Бағдарламаны кәсіби еңбек нарығына және әлеуетті тұтынушыларға бағыттау;

- Конструктивті үйлесімділік және өзектілік принципіне негізделген: түлектердің модельдері, мақсаттары, жоспарланған оқу нәтижелері, бағалау және оқыту әдістері;

- Бағдарламаны заң саласындағы жаңа зерттеулермен және инновациялармен интеграциялау.

 

 

 

 

Түлектің біліктілік моделі:

- Қазақстан Республикасының мемлекеттік органдары мен ұйымдарындағы ұйымдастырушылық-басқарушылық, шаруашылық қызмет;

 - құқық қорғау және сот органдарындағы қызметі;

 - адвокат, нотариус, заң кеңесшісі, сот приставы ретінде әрекет ету;

 - құқық саласындағы ғылыми зерттеулерге қатысу, ғылыми жарияланымдар дайындау.

 

 

 

 

 

 

 

 

 

 

 

6В04203 – «Құқық қорғау қызметі» бағыты бойынша білім берудің мақсаты:

 

«Құқық қорғау қызметі» білім беру бағдарламасының мақсаты – құқықтық мемлекетті дамыту, азаматтар мен заңды тұлғаларды құқықтық қорғауды қамтамасыз ету, халықтың құқықтық санасы мен құқықтық мәдениетін қалыптастыру міндеттерін орындауға қабілетті мамандарды даярлау.

 

Бағдарламаның негізгі принциптері:

- Халықаралық білім беру стандарттарына сәйкестігі: пәндік дескрипторларға, оқыту циклі мен деңгейіне (мысалы, Дублин дескрипторларына, аккредиттеу агенттіктерінің және стратегиялық серіктестердің талаптарына);

- Бағдарламаны Қазақстан Республикасы құқық қорғау органдарының сапалы білімі бар мамандарға қажеттілігіне бағдарлау;

- Конструктивті келісімділік қағидаттарына сәйкестігі: түлек моделі, мақсаттарына, жоспарланған оқыту нәтижелеріне, бағалау және оқыту әдістеріне;

- Халықаралық құқық саласындағы жаңа ғылыми зерттеулермен және технологиялық инновациялармен интеграциялық процестерді қолдау.

 

 Түлектің біліктілік моделі:

- құқық қорғау және құқық қолдану қызметі;

- азаматтарды, мемлекетті және заңды тұлғаларды құқықтық қорғау бойынша қызмет;

- қылмыстық процесс шеңберінде анықтау және алдын ала тергеу жүргізу;

- әкімшілік өндірісті жүргізу;

- сот актілерін орындау бойынша қызмет, пробациялық бақылау жүргізу;

- талдау жұмысы және құқық бұзушылықтардың  алдын алу бойынша жұмыс;

- Қазақстан Республикасының мемлекеттік органдары мен ұйымдарындағы ұйымдастырушылық-басқарушылық, шаруашылық қызмет;

- құқықтық статистиканы жүргізу және кәсіби қызметте IT-технологияларды қолдану;

- құқық саласында ғылыми зерттеулер жүргізу, ғылыми жұмыстар мен жарияланымдар дайындау, нормативтік актілердің жобаларын әзірлеу.

 

 

 

6B04204 – «Кәсіпкерлік қызметті құқықтық реттеу» бағыты бойынша білім берудің мақсаттары

 

«Кәсіпкерлік қызметті құқықтық реттеу» білім беру бағдарламасының мақсаты кәсіпкерлікті мемлекеттік қолдау, кәсіпкерлік қызметті құқықтық реттеу, сот ісін жүргізуде коммерциялық құрылымдардың мүдделерін білдіру, бизнесті құқықтық қамтамасыз ету саласында мамандарды даярлау.

 

Бағдарламаның негізгі принциптері:

- Халықаралық білім беру стандарттарына сәйкестігі: пәндік дескрипторларға, оқыту циклі мен деңгейіне (мысалы, Дублин дескрипторларына, аккредиттеу агенттіктерінің талаптарына және стратегиялық серіктестердің үміттеріне);

- Кәсіпкерлікті қаржыландыру және белсенді мемлекеттік құқықтық қолдау және дамыту кезеңінде бағдарламаны Қазақстан Республикасының кәсіби мамандарға қажеттілігіне бағдарлау;

- Конструктивті сәйкестік қағидаттарына сәйкестігі: түлек моделіне, мақсаттарына, жоспарланған оқыту нәтижелеріне, бағалау және оқыту әдістеріне;

- Халықаралық құқық саласындағы жаңа ғылыми зерттеулермен және технологиялық инновациялармен интеграциялық процестерді қолдау.

 

Түлектің біліктілік моделі:

- азаматтарды, мемлекет пен заңды тұлғалардың мүдделерін құқықтық қорғауды қамтамасыз ету жөніндегі қызмет;

- кәсіпкерлік саласын құқықтық реттеу жөніндегі қызмет;

-Қазақстан Республикасының кәсіпкерлік саласындағы ұйымдастырушылық - басқарушылық, талаптық - талап қою қызметі;

-бизнес пен кәсіпкерлікте құқықтық статистика деректерін пайдалану және цифрлық және IT-технологияларды енгізу бойынша қызмет;

- ғылыми зерттеулер жүргізу және нормативтік актілердің жобаларын әзірлеуге қатысу.

 

 

 

 

6В042 – «Құқық», 6B04 Бизнес, басқару және құқық БББ туралы ақпарат беру құрылымы

 

 

 

Қазақстан Республикасының тарихы кафедрасы

Қазақстан Республикасының тарихы кафедрасы

Қазақстан Республикасының тарихы кафедрасы 1991 жылдың наурыз айында құрылған. Алғашқыда құрамында тарихшы ғалымдар топтасқан (тарих ғылымдарының докторы, профессор Т.З.Рысбеков, профессор Г.А.Кушаев, доцент Р.З.Мұқанова т.б.).

Кафедра құрамы осы жылдарға дейін үздіксіз жас ғалымдармен толығып отыр.

2003 жылдан бастап магистратура бөлімдері ашылды. ҚР Білім және ғылым  министрлігінің шешімімен 1999 жылы қаңтар айынан «07.00.02 – Отан тарихы (Қазақстан Республикасы тарихы)» мамандығы бойынша тарих ғылымдарының кандидаты ғылыми дәрежесін алу үшін Диссертациялық Кеңес ашылды, ал 2005-2010 жылдар аралығында біріккен докторлық Диссертациялық Кеңес жұмыс жасады.

Кафедраның маңызды құрылымдық бөлімшелерінің бірі – 2003 жылы ашылған Археологиялық музей болып табылады. Оның қорында 1967 жылдан бері жүргізілген археологиялық экспедициялар барысында алынған бірегей жәдігерлер сақталған. Музей коллекциясы жаңа экспонаттармен үнемі толықтырылып отырады.

Қазіргі уақытта кафедра 5 білім беру бағдарламалары бойынша мамандар даярлауды жүзеге асырады:

  • «6В01601-Тарих»
  • «6В01602-Тарих-қоғамтану (ІР)»
  • «6В02202-Тарих, мұрағат ісі және мұражайтану»
  • «7М01601-Тарих»
  • «7М02201-Тарих»

2025-2026 оқу жылында барлығы 20 профессор-оқытушылар жұмыс жасайды. Оның 14 ПОҚ штаттық негізде, 3 оқытушы қосымша негізде және 3 практика базасынан (мектеп, музей, архив) арнайы шақырылған маман-оқытушылар, яғни келісім-шартпен практиктер.  Кафедраның ғылыми әлеуеті – 71 % құрайды. Оның ішінде – 4 ғылым докторы, 6 ғылым кандидаты, оның ішінде 2 қауымдастырылған профессор, 2 PhD философия докторы (тарих), 1 аға оқытушы, 2 оқытушы магистрлер және қосымша негіздегі 1 профессор, 1  доцент, 1 оқытушы магистрлер жұмыс жасайды. Кафедра бойынша соңғы 10 жылда 5 ЖОО-ның «Үздік оқытушысы» (Т.З. Рысбеков - 2013, Ұ.Т. Ахметова - 2014, А.Ш.Журасова - 2015, А.С. Байбулсинова - 2017, Л.С. Серикова - 2018) және 5 оқытушы «Болашақ» бағдарламасының түлектері (Г. Абдрахманова, Н.Б. Сабыргалиева, Н.Н. Майманова, М.Г. Дюсенгалиева, Ж.К. Нурмуханов) жұмыс жасайды.

Кафедра 2 ғылыми бағытты негізге алады.

  • Отан тарихының өзекті мәселелері және өлкетану
  • Археология.

Кафедрада қазақстандық және шетелдік жоғары оқу орындарымен тығыз байланыста жұмыстар жүргізіледі. ҚР тарихы кафедрасында ҚР БжҒМ Ғылым комитетінің тарапынан гранттық қаржыландыру жобалары мен шаруашылық келісімшарт аясында жасалған ғылыми-зерттеу жұмысы қарқынды жүргізілуде. 2025-2026 жылдары қаржыландырылған ғылыми жобалардың тізімі  - 6.

Аты-жөні, тегі: Мухангалиева Жанар Кажмуханбетовна

Білімі, қызметі, оқыту тәжірибесі: 1999 жылы А.С.Пушкин атындағы Батыс Қазақстан гуманитарлық университетіне түсіп, 2003 жылы Батыс Қазақстан мемлекеттік университетін 030640 - «Тарих және география» мамандығы бойынша толық курсын үздік бітіріп шықты. Осы жылдан бастап еңбек жолын Батыс Қазақстан мемлекеттік университетінің «ҚР тарихы» кафедрасында оқытушы қызметінен бастады. Жалпы еңбек өтілімі – 23 жыл.

Қызмет барысында студенттерге Ежелгі Қазақстан тарихы, Ежелгі Қазақстан тарихы мен мәдениеті, Тарихи өлкетану, Мұрағаттану негіздері, Қазақ диаспорасы тарихы, Батыс Қазақстан тарихы, Қазақ халқының рухани мәдениет тарихы, Ғылыми-ізденіс жұмыстарын ұйымдастыру негіздері, Оқыту әдістері мен технологиялары және басқа әртүрлі курстардан оқу-әдістемелік кешендер, тестілер жинағын, билет сұрақтарын дайындап, дәрістер оқып, семинарлар, ОЖСӨЖ сабақтарын жүргізеді.

Педагогикалық сараманды ұйымдастыру мен өткізу тәжірибесі: 6В01601 – «Тарих», 6В02202 – «Тарих, мұрағат ісі және мұражайтану» БББ бойынша бакалавриаттың 3-4 курстарына педагогикалық, дипломалды, ғылыми-зерттеу сарамандарына әдіскер, ғылыми кеңес береді.

Қосымша білімі (сертификаттары):

  • 2024ж. шілде – курс «Сыни тұрғыдан оқу мен жазу» Қазақстандық оқу қауымдастығы. Алматы;
  • 18 қазан 2005ж. – 18 қаңтар 2006ж. – ағылшын тілі курсы, Орал-Андас, Орал;
  • 2007 ж. 22-27 қаңтар – «Оқу үрдісінде оқытудың ақпараттық-коммуникативтік технологияларын және құралдарын пайдалану» курсы, М.Өтемісов атындағы Батыс Қазақстан мемлекеттік университеті, Орал;
  • 2009 ж. 26 қаңтар – 6 ақпан – «ДК операторы» курсы, М.Өтемісов атындағы Батыс Қазақстан мемлекеттік университетінің аймақтық оқу орталығы, Орал;
  • 2011 ж. қаңтар – «Оқытудың инновациялық технологияларын енгізу» курсы, М.Өтемісов атындағы Батыс Қазақстан мемлекеттік университеті, Орал;
  • 2013 ж. 1-17 қыркүйек – «Қазіргі дінтанудың өзекті мәселелері» курсы, М.Өтемісов атындағы Батыс Қазақстан мемлекеттік университеті, Орал;
  • 2014 ж. қазан – ELSEVIER BV certificate of participation in Science Direct and Scopus for training cертификаты, «Өрлеу» біліктілікті арттыру ұлттық орталығы» АҚ, Алматы;
  • 2014 ж. 8 қараша – Қазақстан Республикасы педагог қызметкерлерінің біліктілігін арттыру курсы, «Өрлеу» біліктілікті арттыру ұлттық орталығы» АҚ, Алматы;
  • 2015 ж. қаңтар – «Тәжірибеге бағытталған оқыту» атты семинар-тренинг, М.Өтемісов атындағы Батыс Қазақстан мемлекеттік университеті, Орал;
  • 2015 ж. 2 ақпан – 20 наурыз – Қазақстан Республикасы педагог қызметкерлерінің біліктілігін арттырудың деңгейлік бағдарламалары негізінде әзірленген педагог кадрларын даярлайтын жоғары оқу орындарының бітіруші курс студенттеріне арналған қосымша кәсіби білім беру бағдарламалары курсы, Назарбаев Университетінің Жоғары білім беру мектебі мен Кембридж университетінің Білім беру факультеті бірлесіп өткізген, Астана;
  • 2019 ж. 23 наурыз – 25 сәуір – «Инновациялық білім беру бағдарламалары» курсы, М.Өтемісов атындағы Батыс Қазақстан мемлекеттік университеті, Орал;
  • 2019 ж. 23 наурыз – 25 сәуір – «Орта және Орта Азияның тарихқа дейінгі археологиясы» курсы, М.Өтемісов атындағы Батыс Қазақстан мемлекеттік университеті, Орал;
  • 2019 ж. 14 қазан – 7 қараша – «Университеттегі оқытудың инновациялық-ғылыми әдістері» курсы, М.Өтемісов атындағы Батыс Қазақстан мемлекеттік университеті, Орал; «Инновациялық білім беру бағдарламалары» атты курс, 2019ж.;
  • 2019 ж. 9 желтоқсан – Алтын Орданың 750 жылдығына арналған «Алтын Орда: тарихы, мұрасы және оқыту ерекшеліктері» атты семинар, Батыс Қазақстан инновациялық-технологиялық университеті, Орал;
  • 2020 ж. 14-25 қыркүйек – «Қазақстанның ежелгі және ортағасырлық тарихы» курсы, «Батыс археология» ғылыми-зерттеу орталығы» ЖШС, Орал;
  • 2020 ж. 12-27 қараша – «Смарт білім беру: әдістемелер мен технологиялар ресурстары» курсы, әл-Фараби атындағы Қазақ ұлттық университеті, Алматы;
  • 2020 ж. 16-30 қараша – «Қазақстан Республикасы тарихы (Қазақстанның ежелгі, ортағасырлар, жаңа және қазіргі заман тарихы, Тарихи өлкетану, Түркі халықтарының тарихы, Қазақ диаспорасы тарихы, Қазақ халқының мәдениетінің тарихы, Қазақстан қалаларының тарихы)» курсы, М.Өтемісов атындағы Батыс Қазақстан университеті, Орал;
  • 2021 ж. 15 қараша – 30 желтоқсан – «New methods in the study and teaching history» курсы, М.Өтемісов атындағы Батыс Қазақстан университеті, Орал;
  • 2024 ж. 19 ақпан – 2 наурыз – «Түркі халықтарының дәстүрлері мен әдет-ғұрыптары: заманауи трансформациялар мен ерекшеліктер» курсы, М.Әуезов атындағы Оңтүстік Қазақстан университеті, Шымкент;
  • 2025 ж. 27 қаңтар – 9 ақпан – «Орталық Азиядағы әлемдік мұраны сақтау және басқару саласындағы тарихи ғылым мәселелері» курсы, М.Әуезов атындағы Оңтүстік Қазақстан университеті, Шымкент;
  • 2025 ж. 19-31 мамыр – «Инклюзивті білім беруді жүзеге асыру үшін ЖОО оқытушыларын даярлау» курсы, Алматы гуманитарлық-экономикалық университеті, Алматы;
  • 2025 ж. 16-27 маусым – «Жоғары оқу орындары оқытушыларының кәсіби шеберлігін жетілдіру (Ежелгі Қазақстан тарихы мен мәдениеті, Тарихи өлкетану, Батыс Қазақстан тарихы)» курсы, Абай атындағы Қазақ ұлттық педагогикалық университеті, Алматы;
  • 2025 ж. 13-24 қазан – ««Жоғары оқу орындары оқытушыларының кәсіби шеберлігін жетілдіру (Отан тарихын зерттеудегі жаңа бағыттар, Ғылыми-ізденіс жұмыстарын ұйымдастыру негіздері, Оқыту әдістері мен технологиялары)» курсы, Абай атындағы Қазақ ұлттық педагогикалық университеті, Алматы;
  • «Баршаға арналған генератив ЖИ» онлайн курс, 2026ж
  • «Create Informative Presentations with Microsoft PowerPoint» онлайн курс, 2026ж.
  • «Innovative Teaching with ChatGPT» онлайн курс, 2026ж.
  • «Create video, audio and infographics for online learning» онлайн курс, 2026ж.

Ғылыми қызметі: 2010 жылы «1966-1985 ж.ж. Қазақстанның ауыл шаруашылығын дамытудағы әйелдердің рөлі (Батыс Қазақстан аймағының материалдары бойынша)» тақырыбында кандидаттық диссертациясын қорғады.

Бағдарламалар, оқу-әдістемелік құралдар және басқа ресурстардың жарық көруі, оларды тәжірибеге енгізу мен нәтижелілігі:

«Периодические издания Российских научных обществ и учреждений, труды их членов по изучению Казахстана (XVIII – нач. XX вв.)» атты библиографиялық көрсеткіштің (2014ж.), «Қазақстанды зерттеген ғылыми қоғамдар мен мекемелер тарихы (ХІХ-ХХ ғғ.)» (2014ж.) атты электрондық оқыту құралының бірлескен авторы, 1966-1985 ж.ж. Батыс Қазақстан ауыл әйелдерінің еңбек және әлеуметтік белсенділігі» (2018ж.) атты монографияның авторы және «Батыс Қазақстан аймағындағы әулиелік қорымдар: тарихы мен тағылымы» атты монографияныңбірлескен авторы (2019ж.), «Тарихи өлкетану» (2018ж.) атты оқу-әдістемелік құралының авторы, «Тарихи өлкетану» (2019ж.) атты оқу-әдістемелік құралдың толықтырылған 2-басылымының бірлескен авторы, «Тарихи өлкетану. Электронды оқу құралы» (2022) бірлескен авторы. Сонымен қатар, әл-Фараби атындағы ҚҰУ-нің Жарғысында, М.Өтемісов атындағы БҚМУ Жарғысында, БҚГА Жарғысында, Қазақ тарихы ғылыми-әдістемелік журналында, Вопросы истории и археологии Западного Казахстана ғылыми журналында, Modern Issues in Kazakhstan. International Center for Education and Technology, History of science and technology импакт-факторлы журналдарында, аймақтық, республикалық, халықаралық ғылыми-тәжірибелік конференциялардың материалдар жинағында жарық көрген 26 ғылыми мақалалар мен тезистердің авторы және бірлескен авторы

Электрондық почтасы: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Ұялы телефоны: +7 708-513-91-84

Әлеуметтік ғылымдар БББ